अरुण चौधरीमाथि अनुसन्धान गर्न दुई दिन म्याद थप
नेपाल प्रेस
२०८० माघ २२ गते १९:५४
काठमाडौं । व्यवसायी अरुण चौधरीलाई अनुसन्धानका लागि दुई दिन म्याद थप गरिएको छ । काठमाडौं जिल्ला अदालतले सोमबार चौधरीमाथि अनुसन्धानका लागि थप २ दिनको म्याद थपेको हो ।
चौधरीसहित अजितनारायण सिंह थापालाई पनि दुई दिन म्याद थपिएको छ ।
सरकारी जग्गा व्यक्तिको नाममा ल्याइएको घटनाको अनुसन्धानका लागि केन्द्रीय अनुसन्धान ब्युरो(सीआईबी)ले चौधरीसहित बाँसबारी जुत्ता कारखानाका तत्कालीन प्रमुख अजितनारायण सिंह थापालाई बिहीबार पक्राउ गरेको थियो ।
जुत्ता कारखानाको १० रोपनी जग्गा चौधरी समूहले आफ्नो कम्पनीको नाममा ल्याएको पाइएपछि सीआईबीले अनुसन्धान सुरु गरेको हो ।
नेपाल प्रेस
प्रकाशित: २०८० माघ २२ गते १९:५४
प्रतिक्रिया
सम्बन्धित खवर
