कांग्रेस नेता बुढाथोकीको निधन
नेपाल प्रेस
२०८० माघ २३ गते ८:५८
काठमाडौं । नेपाली कांग्रेसका नेता केशवकुमार बुढाथोकीको निधन भएको छ ।
पूर्वमन्त्री समेत रहेका कांग्रेस केन्द्रीय सदस्य बुढाथोकीको उपचारका क्रममा विराट मेडिकल कलेजमा निधन भएको हो ।
उनी लामो समयदेखि प्रोस्टेट क्यान्सरबाट पीडित थिए । उनको मिर्गौलामा समेत समस्या देखिएको थियो ।
झापा अर्जुनधारा निवासी बुढाथोकी पञ्चायतकालमा जलस्रोत राज्यमन्त्री र गणतन्त्र प्राप्तपछि सामान्य प्रशासन मन्त्री बनेका थिए ।
‘सेतो बाघ’ उपनामले समेत चिनिने बुढाथोकी हक्की र स्पष्ट वक्ताका रूपमा चिनिन्थे । बुढाथोकीका दुई छोरा र एक छोरी छन् ।
नेपाल प्रेस
प्रकाशित: २०८० माघ २३ गते ८:५८
प्रतिक्रिया
सम्बन्धित खवर
