यु–१९ विश्वकप फाइनलमा पनि अष्ट्रेलिया र भारत भिड्ने

काठमाडौं । दक्षिण अफ्रिकामा जारी यू–१९ एकदिवसीय विश्वकप क्रीकेटको उपाधिका लागि अष्ट्रेलिया र भारत भिड्ने भएका छन् ।

बिहीबार भएको दोस्रो सेमिफाइनलमा पाकिस्तानलाई १ विकेटले पराजित गर्दै अष्ट्रेलियाले भारतसंगको भेट पक्का गरेको हो । पाकिस्तानले दिएको १७९ रनको लक्ष्य अष्ट्रेलियाले ४९ ओभर १ बलमा ९ विकेट गुमाएर पूरा गर्यो ।

मंगलबार भएको पहिलो सेमिफाइनलमा आयोजक दक्षिण अफ्रिकालाई २ विकेटले पराजित गर्दै भारत फाइनल प्रवेश गरिसकेको थियो ।

यसअघि गत मंसिरमा भारतमा भएको एकदिवसीय विश्वकप क्रीकेटको फाइनलमा घरेलु टोली भारत र अष्ट्रेलियाबिच प्रतिस्पर्धा भएको थियो । फाइनलमा घरेलु टोलीलाई ६ विकेटले स्तब्ध पार्दै अष्ट्रेलियाले एकदिवसीय विश्वकपको उपाधी जितेको थियो ।