प्रेम दिवसको अवसरमा राजकुमार बगरले ल्याए ‘तिमी नभए’ (भिडिओ)

काठमाडौं । गीतकार एवं संगीतकार राजकुमार बगरको शब्द संगीतमा ‘तिमी नभए’ नामक अर्को नयाँ प्रस्तुति सार्वजनिक भएको छ ।

गीतमा नव प्रतिभा रमेश किशोर ढकालले स्वर दिएका छन् । राजु कार्कीको संगीत संयोजन रहेको उक्त गीतको रेकर्डिङ, मिक्सिङ र माष्टरिङ राजकुमार बगरले नै गरेका हुन् । विशेषगरी वियोगान्त गीतहरू रचना गर्न रुचाउने बगरले यो पटक संयोगान्त गीत प्रस्तुत गरेका छन् ।

प्रेम दिवसलाई लक्षित गरी निर्माण गरिएको उक्त म्युजिक भिडियोमा लोकप्रिय मोडल सनम कठायत र कविता न्यौपानेको अभिनय हेर्न सकिन्छ ।

एभरेष्ट ग्यालेरी नामक युट्यूब च्यानलले बजारमा ल्याएको उक्त गीतमा जनक सिंहको निर्देशन,दीपक गिरीको छायाङ्कन र अमृत चापागाईँको सम्पादन रहेको छ।