सकियो नीतिको डेब्यु चलचित्र ‘खजुरे ब्रो’ को छायांकन

काठमाडौं। एक महिना देखि धरानमा भईरहेको चलचित्र ‘खजुरे ब्रो’को छायाँकन सकिएको छ। चलचित्रको सम्पूर्ण छायाँकन २५ दिनमा सकिएको कार्यकारी निर्माता डायमन्ड उप्रेतीले बताएका छन। पारिवारिक व्यङ्ग्यात्मक ‘लाइट कमेडी’ जनरामा आधारित चलचित्र ‘खजुरे ब्रो’ ले धरानको संस्कृतिको प्रवर्धन गर्नुको साथै स्थानीय कला र रहनसहन झल्काउने निर्माण पक्षको भनाइ छ।

छायांकनको क्रममा स्थानीयले ठुलो सहयोग गरेको र चलचित्रको छिट्टै पोस्ट प्रोडक्सनको काम अघि बढ्ने निर्माता नवीन मानन्धरको भनाइ छ। दिव्यदृश्य इन्टरटेन्टमेन्टको ब्यानरमा निर्देशक सुरज सुनुवारले निर्देशन गरेको चलचित्रको निर्माण नवीन मानन्धर र सुरज सुनुवारले गरेका हुन्। कमेडी जनराको चलचित्रको लेखक पनि निर्देशक सुनुवार नै हुन्। चलचित्रमा रेयर राई, महेश त्रिपाठी, नीति शाह, नविन मानन्धर, प्रकाश भुजेल, बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा र सुजाता राईको मुख्य भूमिका रहनेछ।

‘खजुरे ब्रो’ नीति शाहको डेब्यु चलचित्र हो। चलचित्रमा दार्जलिङ्गका कलाकार शान्तिला तामाङको पनि अभिनय रहेको छ। चलचित्रमा मेयर हर्क साम्पाङको बिसेष भूमिका रहेको छ। चलचित्रमा धरानका मेयर हर्क साम्पाङले अतिथि कलाकारको भूमिकाको काम गरेका छन् ।

चलचित्रका कार्यकारी निर्माता डायमन्ड उप्रेती हुन् । शिशिर बिसंखेले छायाँकन गरेको चलचित्रमा अनमोल गुरुङको संगीत र सोनाली शिल्पाकारको मेकअप रहेको छ। चलचित्रको सह निर्माता अनिल मानन्धर र पिकेश मानन्धर रहेका छन्। चलचित्र जेठ महिनामा प्रदर्शन गर्ने निर्माण टिमको योजना रहेको छ।