चेल्सीसँग सिटीको बराबरी

हेटौँडा । खेलको ८३ औँ मिनेटमा रोड्रिगोले गोल गरेपछि म्यान्चेस्टर सिटी हारबाट जोगिँदै चेल्सीसँग बराबरीमा रोकिएको छ ।

शनिवार राती सिटीको घरेलु मैदानमा चेल्सीलाई १–१ को बराबरीमा रोक्दै सिटी लिग तालिकाको तेस्रो स्थानमा झरेको छ ।

यस अघि खेलको ४२ औँ मिनेटमा चेल्सीको लागि स्टर्लिङले गोल गरेका थिए । सिटीको बराबरीसँगै इपिएलको उपाधि होड अझ रोचक बन्न पुगेको छ ।

शीर्षस्थानको लिभरपुलको २५ खेलबाट ५७ अंक छ । दोस्रो स्थानको आर्सनलको ५५ अंक छ । एक खेल कम खेलेको सिटीको ५३ अंक पुगेको छ ।