बर्नलेको पोस्टमा आर्सनलको ५ गोल

हेटौँडा । ईङ्लिस प्रिमियर लिगमा आर्सनलले आफ्नो उत्कृष्ट खेल लयलाई कायम राख्दै बर्नलेमाथि फराकिलो जित हासिल गरेको छ ।

शनिवार राती भएको खेलमा आर्सनलले ५-० को जित निकाल्दै उपाधि होडमा थप बलियो रहेको प्रमाण पेश गरेको हो ।

आर्सनलले खेलको चौथो मिनेटमा नै अग्रता हासिल गरेको थियो । ओडेगार्डले गोल गर्दै टिमलाई सुरुवाती अग्रता दिलाएको थियो ।

खेलको ४१ औँ मिनेटमा साकाले पेनाल्टी मार्फत गोल गर्दै टिमलाई २-० को अवस्थामा लगे । साकाले खेलको ५७ औँ मिनेटमा नै व्यक्तिगत दोस्रो गोल गर्दै अग्रता तीन गोल बनाए ।

त्यसपछि ६६औँ मिनेटमा ट्रोसार्डले गोल गर्दै खेललाई ४–० को अवस्थामा लग्दा ७८औँ मिनेटमा र हाभर्ट्जले गोल गर्दै टिमलाई ५–० विशाल जित दिलाए ।

जितपछि आर्सनल २५ खेलमा ५५ अंकसहित दोस्रो स्थानमा उक्लिएको छ ।