रायो भेल्कानोविरुद्ध रियलको बराबरी

हेटौंडा । स्पेनिस ला-लिगामा लिग लिडर रियल म्याड्रिड रायो भेल्कानोविरुद्ध बराबरीमा रोकिएको छ ।

खेलको तेस्रो मिनेटमा रियलले बनाएको अग्रता कायम गर्न नसक्दा रियलले १-१ को बराबरीमा चित्त बुझाउन परेको हो ।

रिएलको लागि खेलको तेस्रो मिनेटमा गोल गर्दै जोसेलुले रियललाई १-० को अग्रता दिलाएका थिए ।
तर खेकको २७औं मिनेटमा रायोले पेनाल्टीमार्फत बराबरी गर्ने अवसर पायो । उसको लागि राउल डे टोमासले गोल गर्दै टिमलाई बराबरीको अवस्थामा ल्याए ।

बराबरीपछि रियल २५ खेलमा ६२ अंक सहित तालिकाको शीर्ष स्थानमा छ । एक खेल कम खेलेको जिरोना ५६ अंक रहेको दोस्रो स्थानमा छ ।