नामिबिया १२३ रनमा अलआउट, आर्यनले लिए ६ विकेट

काठमाडौं । विश्वकप लिग-२ क्रिकेटअन्तर्गत अहिले भइरहेको खेलमा नेदरल्यान्ड्सविरुद्ध पहिला ब्याटिङ गरेको नामिबिया एक सय २३ रनमा अलआउट भएको छ ।

त्रिवि क्रिकेट मैदानमा टस जितेर बलिङ रोजेको नेदरल्यान्ड्सका लागि आर्यन दत्त एक्लैले ६ विकेट लिए । नामिबिया ३५.१ ओभर मात्र टिक्न सक्यो ।

नामिबियाले सातौँ विकेटका लागि ३०, आठौं विकेटका लागि २० र नवौं विकेटका लागि २४ रनको साझेदारी गरेको थियो । आर्यनले ९ ओभरमा केवल ३४ रन खर्चिएका थिए । कायल क्लैनले २ तथा रोलेफ भान डर मार्वी र माक्स ओदोडले पनि एक एक विकेट लिए ।

पहिलो खेलमा नामिबियाले नेपाललाई हराएको थियो भने नेदरल्यान्ड्सले नेपालसँग हार व्यहोरेको थियो ।