नेपाल ‘ए’ टीमले क्यानडाविरुद्ध पहिला फिल्डिङ गर्दै, सन्दीपले कप्तानी गर्ने

काठमाडौं । क्यानडाविरुद्धको एकदिवसीय सिरिजको दोस्रो खेलमा नेपाल ‘ए’ टीमले पहिला फिल्डिङ गर्ने भएको छ ।

मुलपानी क्रिकेट मैदानमा क्यानडाविरुद्ध नेपाल ‘ए’ टीमका कप्तान सन्दीप जोराले टस जितेर पहिला फिल्डिङ गर्ने निर्णय लिएका हुन् ।

यो खेलमा पहिलो खेलमा कप्तानी गरेका विनोद भण्डारीलाई विश्राम दिइएको छ । आज नेपाल ‘ए’ टीमको कप्तानी सन्दीप जोराले गर्नेछन् ।

पहिलो खेलमा नेपाल ‘ए’ टीम क्यानडासँग ४ विकेटले पराजित भएको थियो ।

नेपाल ए टीम : सन्दीप जोरा (कप्तान), अर्जुन कुमाल, बसीर अहमद, विवेक यादव, किरण ठगुन्ना, मयन यादव, शेर मल्ल, रिजन ढकाल, राशीद खान, सागर ढकाल र शाहब आलम ।