कालिकोटको सुनथराली विमानस्थल सोमबार उद्घाटन गरिँदै

सुर्खेत । कालिकोटको नरहरिनाथ गाउँपालिका–१ कोटवाडामा रहेको सुनथराली विमानस्थलको औपचारिक रुपमा उद्घाटन हुने भएको छ ।

फागुन १४ गते प्रधानमन्त्री पुष्पकमल दाहाल प्रचण्डले विमानस्थलको उद्घाटन गर्ने नरहरिनाथ गाउँपालिकाका अध्यक्ष नगेन्द्रबहादुर बिष्टले जानकारी दिएका छन् ।

विमानस्थलको उद्वाटनको मिति पटक पटक स्थगित हुँदै आएको थियो । जसले गर्दा कालिकोटे जनताको हवाईजहाजबाट यात्रा .गर्ने सपना अधुरो हुँदै आएको थियो ।अध्यक्ष बिष्टले भने, ‘अब भने पूरा हुनेछ । ‘

अध्यक्ष बिष्टका अनुसार प्रधानमन्त्री प्रचण्ड, संस्कृति पर्यटन तथा नागरिक उड्यानमन्त्री सुदन किराँती, कर्णाली प्रदेश सरकारका मुख्यमन्त्री राजकुमार शर्मा र मन्त्रीहरुको सहभागितामा विमानस्थलको उद्घाटन हुने बताएका छन् ।

फागुन १४ गते नरहरिनाथ गाउँपालिकामा आएर विमानस्थलको औपचारिक उद्घाटनमा सहभागी हुन आम नागरिकलाई पनि निम्तो दिइएको छ ।

याे पनि पढ्नुहाेस्

 ३८ वर्षपछि पूरा हुँदै कालिकोटे जनताको चिलगाडी हेर्ने सपना