प्रसुतिगृहबाट चाेरिएकाे शिशु मध्यरात काँडाघारीमा फेला, महिला पक्राउ

काठमाडौं । काठमाडौंको थापाथलीस्थित परोपकार स्त्री तथा प्रसूति रोग अस्‍पताल परिसरबाट चोरी भएको शिशु काडाँघारीमा फेला परेको छ ।

प्रहरीले शुक्रबार राति साढे ११ बजे काडाँघारीबाट शिशुको उद्धार गरेको हो । प्रहरीले शिशु चोर्ने महिला पनि पक्राउ गरेको छ । शिशु चाेरेकाे आराेपमा प्रहरीले  दैलेखकी मनिशा सिंहलाई पक्राउ  गरेकाे उपत्यका अपराध महाशाखाका एसपी रविन्द्र रेग्मीले नेपालप्रेसलाई बताए र

उनी विवाहित महिला हुन् । उनलाई मध्यरातमा आफ्नै काेठाबाट पक्राउ गरेकाे  एसपी रेग्मीले बताए ।  उनका अनुसार शिशुकाे आमा र बच्चा चाेरी गरेकी महिलाबीच कुनै चिनजान छैन ।

शुक्रबार दिउँसो काभ्रे घर भई काठमाडौं बस्दै आएकी एक महिलाको २६ दिने शिशु प्रसुतिगृहबाट चोरी भएको थियो। एकछिन बच्च बाेकिदिन्छु भन्दै चाेरी  गरेर लगेकी थिइन् ।