म्यानचेस्टरको घरमै फुलहमको हमला 

हेटौँडा । इंग्लिस प्रिमियर लिगको एउटा  रोमाञ्चित खेलमा शनिवार  म्यानचेस्टर युनाइटेड आफ्नै घरमा पराजित भएको छ । निकै उतार चढावले भरिएको महत्त्वपूर्ण खेलमा फुलहमले युनाइटेडको घरेलु दर्शकलाई निराश बनाउँदै २-१ को जित निकाल्न सफल भयो ।

निकै प्रतिस्पर्धात्मक खेलमा पहिलो गोल खेलको ६५ औँ मिनेटमा सम्भव भएको थियो । फुलहमको लागि काल्भिनले गोल गर्दै टिमलाई १-० को अग्रता दिलाएका थिए । तर खेल सकिन एक मिनेट बाकी हुँदा म्या यु ले घरेलु दर्शकलाई खुसी बनाउँदै खेल बराबरीमा ल्यायो । ८९ औँ मिनेटमा ह्यारी म्यागुएरले गोल गरेपछि म्यानचेस्टर १-१ को अवस्थामा आयो ।

खेल भर भएका विभिन्न ड्रामाबिच ९ मिनेट थपिएको इन्जुरी समयको सातौँ मिनेटमा फेरि फुलहमले युनाइटेडलाइ झड्का दिँदै गोल गर्न सफल बन्यो । उसको लागि एलेक्स लोबीले निर्णायक गोल गर्दै टिमलाई विजयी बनाउँदा म्यान यु को भने टप ४ मा रहेर लिग टुङ्गो लगाउने योजनामा थप  समस्या पैदा भयो ।आजको खेलपछि युनाइटेडको २६ खेलबाट  ४४ अंकाका साथ छैटौँ स्थानमा छ । फुलहम ३२ अंकसहित १२ औँ स्थानमा छ ।

प्रिमियर लिगका  आजै भएका अन्य खेलमा एस्टन भिल्लाले नटिङघम फरेस्टलाई ४–२ ले, क्रिस्टिल प्यालेसले बनर्लीलाई ३–० ले हराएको छ भने ब्राइटन र एभर्टनले १ –१ को बराबरी खेलेका छन् ।