एसीसी प्रिमियर कपमा नेपालले पहिलो खेल मलेसियासँग खेल्ने
नेपाल प्रेस
२०८० फागुन १३ गते १३:४२
काठमाडौं । आउँदो अप्रिलमा हुने एसीसी प्रिमियर कपको खेल तालिका सार्वजनिक भएको छ ।
एसियाली क्रिकेट परिषद् (एसीसी) ले आइतबार अप्रिल १२ देखि २१ सम्म हुने प्रतियोगिताको खेल तालिका सार्वजनिक गरेको हो ।
सार्वजनिक तालिकाअनुसार नेपाल समूह ए मा परेको छ । समूह ए मा नेपालसहित हङकङ, मलेसिया, कतार र साउदी छन् । समूह बी मा यूएई, ओमान, कुवेत, बहराइन र कम्बोडिया छन् ।
नेपालले पहिलो खेल अप्रिल १२ मा मलेसिया, दोस्रो खेल अप्रिल १३ मा कतारसँग, तेस्रो खेल अप्रिल १५ मा हङकङसँग र चौथो खेल अप्रिल १७ मा साउदीसँग खेल्नेछ ।
अप्रिल १९ मा सेमिफाइनल र अप्रिल २१ मा फाइनल खेल हुनेछ ।
नेपाल प्रेस
प्रकाशित: २०८० फागुन १३ गते १३:४२
प्रतिक्रिया
सम्बन्धित खवर
