हत्या आरोपमा बुवा छोरा पक्राउ

कैलाली । बझाङमा हत्या आरोपमा दुई जना पक्राउ परेका छन्।

जिल्लाको जयपृथ्वी नगरपालिका–७ सुबेडास्थित किमतोलीका ४० वर्षीय रामप्रशाद जोशीको हत्या गरेको अभियोगमा ४८ वर्षीय जयबहादुर हमाल र उनका २९ वर्षका छोरा जनक हमाललाई पक्राउ गरिएको जिल्ला प्रहरी कार्यालय बझाङले जानकारी दिएको छ ।

मादक पदार्थ सेवन गरेर कुटपिट गर्दा जोशीको मृत्यु भएको हो। हिजो कुटपिटमा घाइते भएको जोशीको आज मृत्यु भएको । यस सम्बन्धमा प्रहरीले आवश्यक अनुसन्धान गरिरहेको जनाएको छ।