पहिलो प्रयासमै फाइनल प्रवेश तयारीमा नेपाल
नेपाल प्रेस
२०८० फागुन १५ गते ९:२१
काठमाडौं । वाफ महिला च्याम्पियनसिपतर्फ फाइनल प्रवेशको लागि नेपालले आज लेबनानको सामना गर्दैछ ।
साउदी अरवको जेद्दाह स्थित किंग अब्दुलाह स्पोर्टस सिटी स्टेडियममा राती १०ः४५ बजेदेखि शुरु हुने खेल जितेर नेपाल पहिलो प्रयासमै फाइनल प्रवेशको दाउमा हुनेछ ।
फिफा वरियतामा नेपाल भन्दा २९ स्थान तल रहेको लेबनानलाइ हराएर नेपाल पहिलो प्रयासमा फाइनलको यात्रा गर्न चाहान्छ ।
वाफ च्याम्पियनसिपमा शानदार खेल प्रदर्शन गरेको नेपाल यो पटक उपाधीको बलियो प्रतिस्पर्धी हो । फिफा बरियतामा नेपाल १०५औं स्थानमा रहेको छ भने लेबनान १३४औं स्थानमा छ ।
समूह चरणतर्फ शतप्रतिशत जितका साथ समूह विजेता बन्दै नेपाल सेमिफाइनल प्रवेश गरेको हो । आजै हुने अर्को सेमिफाइनल खेलमा प्यालेस्टाइन र जोर्डन भिड्दै छ्न् ।
नेपाल प्रेस
प्रकाशित: २०८० फागुन १५ गते ९:२१
प्रतिक्रिया
सम्बन्धित खवर
