नेपाल, नामिबिया र नेदरल्याण्ड्सबीचको टी २० सिरिज पनि एक्सन स्पोर्टसमा

काठमाडौं । नेपाल क्रिकेट संघ क्यानको आयोजनामा सुरु भएको टी २० सिरिज डिस होमको एक्सन स्पोर्टमा प्रत्यक्ष प्रसारण हेर्न सकिने भएको छ ।

मंगलबारदेखि त्रिवि क्रिकेट मैदान कीर्तिपुरमा सुरु भएको टी २० त्रिकोणात्मक सिरिज डिस होमले एक्सन स्पोर्टस एचडीवानमार्फत प्रत्यक्ष प्रसारण गरिरहेको हो ।

पछिल्लो समय नेपाली क्रिकेट टिमले त्रिवि क्रिकेट मैदानमा खेलेका अन्तर्राष्ट्रिय प्रतियोगिताहरु प्रत्यक्ष प्रशारण गरिरएको डिस होमले त्रिकोणात्मक टी २० सिरिज पनि प्रशारण गराइरहेको छ ।

एक्सनस्पोर्टस एचडी वानबाट यसअघि नेपाल र क्यानडाबीचको सिरिजका साथै आइसीसी विश्वकप लिग टूको पहिलो त्रिकोणात्मक एक दिवसीय सिरिज पनि प्रत्यक्ष प्रशारण भएको थियो ।

टी २० सिरिज अन्तर्गत आज मंगलबार २७ फेब्रुअरी नेपालले नामिबियासँग खेलेको हो । भने २८ फेब्रुअरीमा नेदरल्याण्ड्ससँग नेपाल खेल्ने छ । यसैगरी २९ फेब्रुअरीमा नामिबिया र नेदरल्याण्ड्स भिड्दा मार्च १ तारिखमा नेपाल र नामिबिया दोस्रो पटक भिड्ने छन् ।

त्यसैगरी नेपाल र नेदरल्याण्ड्सको दोस्रो भेट मार्च २ हुने छ । तीन मध्य शीर्ष २ ले उपाधिका लागि मार्च ३ मा खेल्ने छन् । सबै खेल बिहान साढे ११ बजेदेखि एक्सन स्पोर्टमा प्रत्यक्ष प्रशारण भइरहेका छन् ।