अब एलन मस्कको एक्समा अडियो तथा भिडियो कल गर्न सकिने
नेपाल प्रेस
२०८० फागुन १७ गते १६:५३
काठमाडौं । अब एक्स (साविकको ट्विटर) मा प्रयोगकर्ताहरूले फोटो मात्रै नभएर अडियो तथा भिडियो कल सम्म गर्न सक्ने भएका छन् ।
एलन मस्कले आफ्नो एक्स अकाउन्टमा न्युज एक्सको पोष्टलाई रिपोष्ट गर्दै भिडियो तथा अडियो कल गर्न सक्ने सूचना सार्वजनिक गरेका हुन् ।
यसअघि एक्समा फोटोसम्म पठाउन सकिन्थ्यो भने, अजदेखि सबै प्रयोगकर्ताले भिडियो तथा अडियो कल गर्न सक्छन् ।
सन् २०२३ मा नै एक्सका मालिक एलन मस्कले अडियो तथा भिडियो कल सबैका लागि ल्याउने संकेत गरिसकेका थिए ।
आज फेब्रुअरी २९ देखि एक्समा अडियो तथा भिडियो कल सबै प्रयोगकर्ताका लागि खुल्ला भएको छ ।
त्यसैगरी, प्रयोगकर्ताले आफू अनुकूल व्यक्तिको अडियो तथा भिडियो कल बन्द र खुल्ला गर्न सक्ने समेत सेटिङ उपलब्ध रहेको छ ।
नेपाल प्रेस
प्रकाशित: २०८० फागुन १७ गते १६:५३
प्रतिक्रिया
सम्बन्धित खवर
