जोर्डनविरुद्ध नेपालको सुरुवाती ११ तय, साम्बासहित तीन खेलाडी परिवर्तन

काठमाडौं । साउदी अरबमा जारी वेस्ट एसियन फुटबल फेडेरेसन–वाफ वुमन्स च्याम्पियनसिपको उपाधिका लागि नेपालले केहीबेरमा जोर्डनको सामना गर्दै छ । फाइनलमा उत्रने नेपालको सुरुवाती–११ भने तय भएको छ। सेमिफाइनलमा लेबनानविरुद्ध उत्रिएकोभन्दा ३ खेलाडीहरु सुरुवाती टोलीमा परिवर्तन गरिएको छ ।

सावित्रा भन्डारी, अनिता बस्नेत र अनिता केसीको स्थानमा दीपा शाही, रश्मीकुमारी घिसिङ र सबिता मगरलाई समावेश गरिएको छ ।

प्रतियोगितामा सर्वाधिक ९ गोल गरेकी साम्बा व्यावसायिक फुटबलमा फर्कनु परेपछि फाइनल खेल्न असमर्थ भएकी थिइन् । उनले एकै खेलमा ५ सहित प्रतियोगिताको हरेक खेलमा गोल गरिरहेकी थिइन् ।