डिफेन्डर खवास पनि लागे अष्ट्रेलिया

काठमाडौं । नेपाली फुटबलरहरु बिदेशिने क्रमलाई पच्छ्याउँदै राष्ट्रिय फुटबल टोलीका डिफेन्डर बिकास खवास पनि अष्ट्रेलिया उडेका छन् ।

सन् २०२० को नोभेम्बरमा बंगलादेशविरुद्ध खेल्दै नेपालका लागि अन्तर्राष्ट्रिय डेब्यु गरेका खवनस पछिल्लो समय चोटको कारण आराम गरिरहेका थिए ।

साग फुटबलका स्वर्ण पदकधारी उनी त्रिभुवन आर्मीबाट व्यवसायिक फुटबल खेलिरहेका थिए भने एनएसएलको पहिलो सिजनमा एफसी चितवनबाट फुटबल खेलेका थिए ।

राष्ट्रिय टोलीका भरपर्दा डिफेण्डरको रुपमा हेरिएका खबासले पनि बिदेश रोज्दा राष्ट्रिय फुटबललाई थप समस्या उत्पन्न भएको छ । पछिल्लो समय नेपाली फुटबलका भरपर्दा तथा आशालाग्दा खेलाडीहरु सुरक्षित भविष्यको लागि भन्दै बिदेशीने क्रमले तीब्रता पाएको छ ।