नामिबियाविरुद्ध नेपाल एक सय रन पूरा, आरिफ र कुशलले इनिङ सम्हाल्दै

काठमाडौं । घरेलु मैदानमा जारी त्रिकोणात्मक टी-२० सिरिजअन्तर्गतको खेलमा नामिबियाविरुद्ध नेपालले एक सय रन पूरा गरेको छ । १२ ओभर एक बलमा नेपालले ४ विकेट गुमाउँदै एक सय रन पूरा गरेका हुन् । नेपालको इनिङ आरिफ शेख र कुशल मल्लले सम्हालिरहेका छन् ।

उनीहरूले पाचौं विकेटका लागि ३६ रनको साझेदारी गरिसकेका छन् । ६४ मा ४ विकेट गुमाएको नेपाललाई आरिफ र कुशलले सम्हालेका छन् । आरिफ १४ र कुशल २७ रन बनाएर क्रिजमा छन् । यसअघि यसअघि गुल्सन झा २६, अनिलकुमार शाह २३, कप्ताज रोहित पौडेल १० रन र आसिफ शेख एक रनमा आउट भएका हुन् ।