प्रधानमन्त्री र ५ पूर्वप्रधानमन्त्री उभ्याएर भरतपुर भ्रमण वर्षको शानदार उद्घाटन (लाइभ)

चितवन । ‘घुमौं भरतपुर’ भन्ने नाराका साथ भरतपुर भ्रमण वर्ष सुरू भएको छ । भरतपुर महानगरपालिकाद्वारा आयोजित भ्रमण वर्षको प्रधानमन्त्री पुष्पकमल दाहाल ‘प्रचण्डले उद्घाटन गरे । नारायणी नदी किनारमा भव्यरूपमा उद्घाटन समारोह जारी छ ।

उद्घाटन समारोहमा प्रधानमन्त्री दाहालका साथै पूर्वप्रधानमन्त्रीहरू शेरबहादुर देउवा, केपी शर्मा ओली, माधवकुमार नेपाल, झलनाथ खनाल, पूर्वमन्त्रिपरिषद् अध्यक्ष खिलराज रेग्मी उद्घाटन समारोहमा उपस्थित भएका छन् ।

प्रदेशका मुख्यमन्त्री तथा प्रमुखहरू पनि सहभागी छन् ।

उद्घाटन समारोहमा मेयर रेनु दाहाल भरतपुरको विकासका लागि प्रधानमन्त्री पुष्पकमल दाहालले खेलेको भूमिका प्रशंसनीय रहेको बताइन् ।

भ्रमण वर्षले भरतपुरलाई चिनाउँदै यहाँको आर्थिक सम्भावनाको खोजी, लगानीको वातावरण निर्माण गर्न कोशेढुंगा सावित हुने अपेक्षा गरिएको उनको भनाइ छ ।