भरतपुर भ्रमण वर्षमा ओलीको सांगीतिक अनुरोध- ‘लौ हिँड चितवन, दुई दिनको जिन्दगी बिताउन’

चितवन । नेकपा एमालेका अध्यक्ष केपी शर्मा ओलीले भरतपुर घुम्न आउन गीतमार्फत अनुरोध गरेका छन् ।

उनले भरतपुर भ्रमण वर्षको उद्घाटन समारोहमा शुभकामना मन्तव्य राख्दै ओलीले भने -म यहाँबाट भरतपुर घुम्न आउन अनुरोध गर्दछु । गीतै छ नि, ‘लौँ हिँड चितवन दुई दिनको जिन्दगी बिताउन.. ।’

उनले आफू प्रधानमन्त्री हुँदा भरतपुरसहित चितवनको विकासको लागि कामहरू गरेको भन्दै उहाँले ती विकासहरु अघि बढेका होलान् भन्ने अपेक्षा गरेको पनि बताए । ओली प्रधानमन्त्री हुँदा पूर्वपश्चित ६ लेनको सडक, सिटी हलको शिलान्यास लगायतका काम भएका थिए ।

उनले चितवनको निकुञ्ज, नारायणी नदी भरतपुर महानगरलाई पर्यटकीय स्थल बनाउन सबैलाई आह्वान पनि गर्दै आफ्नो सपरिवार आगामी एक वर्षभित्रै चितवन घुम्न आउने पनि बताए ।