बालुवाटार पुगे झलनाथ: प्रचण्डले भने- के के मा सहमति गरेर जान पर्छ गरौंला
नेपाल प्रेस
२०८० फागुन २३ गते ११:०९
फाइल तस्बिर ।
काठमाडौं । नेकपा एसका सम्मानित नेता झलनाथ खनालले प्रधानमन्त्री पुष्पकमल दाहाल ‘प्रचण्ड’ लाई भेटेका छन् । कोटेश्वर निवासमा माधवकुमार नेपालसँग कांग्रेस सभापति शेरबहादुर देउवाको भेटवार्ताबीच बालुवाटारमा प्रचण्ड-झलनाथको भेट भएको हो ।
भेटमा प्रचण्डले नयाँ गठबन्धनमा आएर सरकारमा सहभागी हुन आग्रह गरेको खनालले बताए ।
प्रचण्डको भनाइ उद्धृत गर्दै खनालले नेपाल प्रेससँग भने, ‘के-के मा सहमति गरेर जान पर्छ गरौंला । हामी मिलेर अघि बढ्नुपर्ने अवस्था छ ।’
खनालले हिजोमात्र नयाँ गठबन्धनबाट औपचारिक प्रस्ताव आए सरकारमा जान सकिने बताएका थिए ।
साँझ प्रचण्ड-ओली नेकपा एसलाई गठबन्धनमा सामेल हुन आग्रह गर्दै कोटेश्वर निवास पुगेका थिए ।
नेपाल प्रेस
प्रकाशित: २०८० फागुन २३ गते ११:०९
प्रतिक्रिया
सम्बन्धित खवर
