अमेरिकी पानीजहाजमा हुथीको आक्रमण हुँदा दुई जनाको मृत्यु
नेपाल प्रेस
२०८० फागुन २४ गते १२:३०
काठमाडौं । यमनका विद्रोही समूह हुथीको आक्रमणमा परेर अमेरिकी स्वामित्वको पानीजहाजका दुई यात्रुको मृत्यु भएको छ ।
हुथी दस्ताका प्रवक्ता यह सारीले बुधवार आक्रमण भएको पुष्टि गरेका छन् । रुसी विश्व च्यानल आरटीका अनुसार हुथीले गरेको आक्रमणमा परेर आठ जना घाइते भएका छन् ।
हुथी आक्रमणमा परेपछि चालक दलले पानीजहाज छोडेर भागेका छन् भने पानीजहाज डुब्ने जोखिम बढेको छ ।
इजरायलले प्यालेस्टाइनीहरुमा बर्बरता गरेको भन्दै त्यसको विरोधमा इजरायलका समर्थक देशहरूको स्वामित्वमा रहेका पानीजहाजहरूलाई गत अक्टोबरबाट हुथीले लाल सागरमा आक्रमण सुरु गरेका थिए ।
अमेरिका तथा बेलायती दस्ताले संयुक्त हवाई हमला गरेर हुथीका हतियार डिपोटहरुमा बमबारी गरेका थिए ।
नेपाल प्रेस
प्रकाशित: २०८० फागुन २४ गते १२:३०
प्रतिक्रिया
सम्बन्धित खवर
