दाङको अर्जुनखोला पुलमा चारवटा सवारी ठोक्किँदा ७ जना घाइते

रूपन्देही । पूर्व पश्चिम महेन्द्र राजमार्ग अन्तरगत दाङको अर्जुनखोला पुलमा चार वटा सवारी साधन एकैपटक दुर्घटनामा पर्दा ७ जना घाइते भएका छन् । एकै स्थानमा स्कारपियो, अटो रिक्सा, मोटरसाइकल र स्कुर दुर्घटनामा परेका हुन् ।

महेन्द्रनगरबाट काठमाण्डौंतर्फ जाँदै गरेको प्र।३–०१०२२ च १७५७ नम्ब को स्कारपियो र बिपरीत दिशाबाट आउँदै गरेका रा १ ह ६९१२ नम्बरको अटोलाई ठक्कर दिएको थियो । लगत्तै अटोको पछाडि रहेका रा २ प ५३८० नम्बरको मोटरसाइकल र रा ७ प ३५२६ को स्कुटी समेत ठक्कर खाएर दुर्घटना भएको वडा प्रहरी कार्यालय लमहीका प्रहरी निरीक्षक शंकर श्रेष्ठले जानकारी दिएका छन् ।

प्रहरीले चारवटै सवारी साधन र स्कारपियो चालक गोदावरी नगरपालिका–७ देविचौर ललितपुर निवासी ३१ बर्षीय दिनेशमान तामाङलाई पक्राउ गरेको छ ।

दुर्घटनामा स्कुटी चालक लमही न।पा।७ हसनापुर बस्ने बर्ष २१ को बिश्व खड्का, मोटरसाइकल चालक राजपुर गाँउपालिका–३ निवासी २२ दिपक घर्ती, मोटरसाइकलमा सवार गढवा–६ निवासी १९ बर्षीय मनिष सार्की, अटो चालक लमही नगरपालिका–७ कामनपुर निवासी ३५ बर्षीय बिष्णु बहादुर थापा, अटोमा सवार सोही ठाउँ निवासी ५५ बर्षीय हरी पुन, यस्तै अटोमा सवार भारत उत्तर प्रदेश बिहार जिल्ला खगरीया निवासी ४० बर्षीय पंकज सिह र अटोमा सवार भारत उत्तर प्रदेश रामपुर निवासी ५० बर्षीय कश्मिर सिँह घाइते भएका छन् ।

दुर्घटनामा परेर गम्भीर घाइते भएका स्कुटी चालक विश्व खड्का र अटो चालक बिष्णुबहादुर थापा लाई थप उपचारको लागि नेपालगञ्ज लगिएको प्रहरीले जनाएको छ ।

दुवै जनाको टाउकोमा गम्भीर चोट लागेको प्रहरीले जनाएको छ । तिब्रगतीका कारण स्कारपियो र अटो रिक्सा एक आपसमा ठक्कर खान पुगेका, अटोको पछाडि रहेका मोटरसाइकल र स्कुटर पनि अनियन्त्रित हुँदा ठोक्किएर दुर्घटना भएको प्रहरीले जनाएको छ ।