शंकास्पद लागेपछि दुबई जान लागेका ३ महिलालाई विमानस्थलबाट फर्काइयाे, एजेन्ट प्रहरीको नियन्त्रणमा

काठमाडौं । शंकास्पद लागेपछि प्रहरीले दुबई जान लागेका ३ जना महिलालाई रोकेको छ । ती महिला भिजिट भिसामा दुबई जान लागेका थिए । हिजो राती साढे १० बजे हिमालयन एयरलाइन्सबाट दुबई जान लागेका ३ जनालाई प्रहरीले रोकेको हो ।

रोकिने महिलाहरुमा चितवन, अर्घखाची र तेहथुका महिला हुन् भने, दुबई पठाउने एजेन्ट भबिलाल थापालाई प्रहरीले नियन्त्रणमा लिएको हो । ३ महिलासहित एजेन्ट थापालाई अपराध महाशाखामा पठाइएको त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख एसएसपी कृष्णहरि शर्माले बताए ।

उनले भने, ‘शंकास्पद तरिकाले ३ जना महिला दुबई जादै छन् भन्ने जानकारी आएपछि हामीले हिमालयल एयरलाइन्सलाई जानकारी गराएका थियौं । त्यसै अनुसार रोकिएका हुन् । एजेन्टले मेनपावर मार्फत नै दुबई पठाएको भने पनि मेनपावर देखाउन सकेका छैनन् ।’

एजेन्टले सजिलै काम लगाइदिने भनेर भिजिट भिसामा दुबई लान लागेको खुलेको छ ।