‘नेपाल आइडल सिजन ५’ आजबाट प्रसारण हुँदै, पहिलो अडिसन बिर्तामोडको

काठ्माडौं । नेपालको पहिलो अन्तर्राष्ट्रिय फ्रेन्चाइज गायन रियालिटी शो ‘नेपाल आइडल’को पाँचौं संस्करण आजबाट प्रसारण हुने भएको छ ।

आज साँझ साढे ८ बजेबाट प्रसारण हुने कार्यक्रमको अडिसन सातै प्रदेशका आठ शहरहरुमा भएको थियो । कार्यक्रमको पहिलो एपिसोडमा बिर्तामोड अडिसन देखाइने छ ।

नेपाल आइडलका निर्देशक सुरेश पौडेल भन्छन, ‘यो सिजनले दर्शकलाई भरपुर मनोरंजन दिनुका साथै नेपाली संगीत क्षेत्रका लागि प्रतिभावान गायक–गायिका खोजि गर्नेछ ।’

त्यस्तै, जज मंध्येका एक न्य्हू बज्राचार्य विगतका सिजनमा भन्दा यो सिजनमा अझ बढी सक्षम गायक–गायिकाहरु अडिसनमा आएको बताए ।

सांगीतिक क्षेत्रमा सक्रिय अश्मिता अधिकारी, रचना रिमाल, निशान भट्टराई, प्रताप दास लगायतका गायक–गायिकाहरु नेपाल आइडलबाटै आएका हुन। आजबाट प्रसारण हुन लागेको यस कार्यक्रममा ‘सिजन २’ कै प्रस्तोता र जजहरु छन् ।

जजका रुपमा न्य्हू बज्राचार्यसंगै इन्दिरा जोशी र कालीप्रसाद बास्कोटा छन् भने कार्यक्रमलाई आशिफ शाह र रीमा विश्वकर्माले होस्ट गर्दैछन। कार्यक्रम हरेक शुक्रबार र शनिबार साढे ८ देखि १० बजे सम्म एपिवान टेलिभिजनबाट प्रसारण हुनेछ । आइडलको यो सिजनलाई भिभोले टाइटल स्पोन्सर गरेको छ ।