‘पुजार सार्की’ का मैतबहादुर परियार : जन्मदिनमा सार्वजनिक गरियो प्रदीपको लुक्स

काठमाडौं । दिनेश राउतको निर्देशनमा निर्माण भइरहेको चलचित्र ‘पूजार सार्की’ को धमाधम छायांकन भइरहेको छ ।

तीन चर्चित नायकहरूलाई एक साथ अभिनय गराइएको हुँदा यो एउटा बहुप्रतिक्षित चलचित्र हो ।

यस चलचित्रका एक नायक आइतबार आफ्नो जन्मदिन मनाउँदै छन् । उनको जन्मदिनको अवसर पारेर चलचत्रिको छायांकन स्थलबाट एउटा तस्बिर सार्वजनिक भएको छ, जसमा प्रदीप विल्कुलै फरक अवतारमा देखिन्छन् ।

उनी विवाहमा दमाहा बजाउने ‘दमाई’ को रुपमा खुलेका छन् । लामो कपालमा कालो टोपी र कालै रंगको स्टकोट लगाएका प्रदीपको लुक्सले दर्शकमा थप उत्सुकता पैदा गर्न सक्छ ।

यो चलचित्रमा प्रदीप ‘मैत बहादुर परियार’को भूमिकामा छन् भने आर्यन सिग्देल भने पुजारीको भूमिकामा छन् । अर्का अभिनेता पल शाहको भूमिकाको बारेमा भने कुनै जानकारी गराइएको छैन । चलचित्रलाई आगामी जेठको पहिलो साता प्रदर्शन गर्ने तयारी छ ।

करिब ४० दिनदेखि कास्की जिल्लाको कास्कीकोटमा छायांकन भइरहेको चलचित्रमा अन्जना बराइली, परीक्षा लिम्बु, मोहन निरौला, लोकेन्द्र लेखक, सुवास गजुरेललगायत कलाकारले अभिनय गरेका छन् ।