ग्लोबल आइएमईले सार्वजनिक गर्यो २०८१ को क्यालेण्डर, प्राचीन कलाकृति समावेश (भिडिओ)

काठमाडौं । ग्लोबल आइएमई बैंक लिमिटेडले नयाँ वर्षको पूर्व सन्ध्यामा २०८१ सालको क्यालेन्डर सार्वजनिक गरेको छ ।

आइतबार काठमाडौंमा ग्लोबल आइएमई बैंकका अध्यक्ष चन्द्रप्रसाद ढकालले एक समारोहबीच प्राचीन कलाकृति समावेश २०८१ सालको क्यालेन्डर सार्वजनिक गरेको हो ।

बैंकले राष्ट्रिय सङ्ग्रहालय छाउनी र पुरातत्त्व विभागसँगको सहकार्यमा विभिन्न समयमा स्वदेश फर्काइएका प्राचीन कलाकृतिहरू समावेश गरी तयार गरिएको नयाँ वर्ष २०८१ को क्यालेन्डर सार्वजनिक गरेको छ ।

उक्त कार्यक्रममा बैंकको सञ्चालक समिति, उच्च व्यवस्थापनलगायत बैंकका कर्मचारी तथा विभिन्न व्यक्तिहरूको उपस्थिति रहेको थियो ।