कास्कीमा फैसलापछि फरार भएका ८७ जना पक्राउ

पोखरा । फैसलापछि फरार रहेका ८७ जनालाई कास्की प्रहरीले पक्राउ गरेको छ । प्रहरीले फागुन १ गतेयता कैद तथा जरिवाना भुक्तान गर्न बाँकी ८० जनालाई पक्राउ गरेको हो ।

पक्राउ परेकाहरुबाट १९ वर्ष २ महिना २८ दिन कैद सजाय र ५७ लाख ६७ हजार ८९५ जरिवाना असुल गर्नको लागि अदालतमा उपस्थित गराइएको कास्कीका प्रहरी प्रमुख एसपी मोहन थापाले जानकारी दिए । पक्राउ पर्नेमा सबै भन्दा धेरै चेक अनादार मुद्दामा ४१ जना र अभद्र व्यवहार मुद्दामा १२ जना छन् ।