‘लन्डन टु पेरिस’मा डेब्यू हिरोसँग साम्राज्ञीको लिपलक

काठ्माडौं । नायिका साम्राज्ञी राज्य लक्ष्मी शाह र डेब्यू नायक निश्चल खड्काले जोडी बाँधेको चलचित्र ‘लन्डन टु पेरिस’ जेठ २५ गते रिलिज हुने भएको छ । निर्माण पक्षले सिनेमाको एक पोस्टर रिलिज गर्दै रिलिज मिति घोषणा गरेको हो ।

सार्वजनिक पोस्टरमा साम्राज्ञी र निश्चल रोमान्टिक मुडमा देखिएका छन् । पोस्टरमा यी दुईको लिपलक देख्न सकिन्छ । चलचित्रमा साम्राज्ञी तथा निश्चलबाहेक कविर खड्का, गरिमा शर्मा, रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको छ । निश्चलसँगसँगै ‘लन्डन टु पेरिस’बाटै टिकटकर तथा मोडल गरिमा शर्माले पनि नेपाली सिनेमामा डेब्यू गर्दैछिन् ।

एबी इन्टरनेश्नलको प्रस्तुति रहेको चलचित्रमा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ । चलचित्रको कथा, पटकथा र संवाद प्रदीप भारद्वजले लेखेका हुन् । अमित बस्नेतले निर्माण गरेको चलचित्रमा आरोन बस्नेत, एरियाना बस्नेत तथा परी राना निर्माताका रुपमा रहेका छन् ।

‘लन्डन टु पेरिस’ ले ट्राभल लभस्टोरीको कथा पेश गर्छ । घनश्याम लामिछानेको निर्देशन रहेको चलचित्रका सह–निर्माता सनिश खकुरेल हुन् भने अंकित गौतम चलचित्रका कार्यकारी निर्माता हुन् । रोहित कट्टेल र रत्न श्रेष्ठको आरआर फिल्मस्ले सिनेमालाई अल नेपाल वितरण गर्नेछन् ।

चलचित्रमा अभेद परवको डिओपी, हर्कुलश बस्नेत, एसडी योगी, बियोण्ड र सलिन मगरको संगीत, सजु चन्द्रनको सम्पादन, सुजिल कर्माचार्यको पाश्र्व संगीत र लंगनेस फर्नान्डेजको कोरियोग्राफी रहेको छ ।