रसेल र राना चम्किँदा कोलकाताको सनसनीपूर्ण जित

काठमाडौं । आईपीएल २०२४ को सिजन सुरु भएको दोश्रो खेलमा सनसनीपूर्ण जित निकाल्दै कोलकाता नाइट राइडर्सलेले विजयी सुरुवात गरेको छ ।

कलकताको घरेलु मैदानमा इडेन गार्डेनमा भएको खेलमा कोलकाताले सनराइर्जस हैदरावादविरुद्ध ४ रनको रोमान्चक जित हासिल गरेको छ ।

टस हारेर पहिलो ब्याटिङ गरेको कोलकताले आन्द्रे रसेलले विष्फोटक ब्याटिङ गर्दै हैदराबादलाई २०९ रनको विशाल लक्ष्य दिएको थियो ।

आफ्नो तीन उत्कृष्ट ब्याट्सम्यानलाई सस्तोमा गुमाउनु परेको कलकताको लागि ओपनर साल्टले ५४ रनको इनिङ खेले । उनलाई अर्को छेउबाट रमनदिप सिहले ३५ रनको योगदान गरे ।

रमनदिनपछि आएका रसलले २५६ को स्ट्राइक रेटमा २५ बल खेल्दै ६४ रन बनाए । साल्ट आउटपछि आएका रिन्कु सिंहले २३ रन बनाए र स्ट्राकले ६ रन बनाएपछि कोलकताले २०८ रनको विशाल रन बनायो ।

बलतर्फ सनराइजरको लागि नटराजनले ३, मारकुन्डेले २, कप्तन प्याट कमिन्सले एक विकेट लिए ।

२०९ रनको जितको लक्ष्यसहित मैदानमा ओर्लिएको हैदरावादले सुरुवातबाटै आक्रमक खेल खेल्यो । हैदरावादका ओपनर मयङ्क अग्रवाल ३२ र अभिशेक शर्माले ३२ रन बनाए । त्यसपछि आएका राहुल त्रिपाठीले २०, एडेन मार्क्रमले १८, पछि क्लासिनले ६३ रन बनाएपछि सनराइजर जित नजिक पुगेका थिए ।

तर उनीहरुको जितमा कलकताका हर्षित राना तगारो बन्दिए । उनले सेट भएका क्लासन र सहबादलाई आउट गरिदिएपछि खेल कलकताले जित्यो ।
कोलकाताको लागि रानाले ३,रसेलले २, सुनिल नारिनले १, बरुन चक्रवतीले १ विकेट लिए ।