बार्सिलोनाको कठिन जित

काठमाडौं । स्पेनिस ला-लिगामा बार्सिलोना विजयी भएको छ । १० खेलाडीमा सिमित लस पालमासमाथि १-० को जित निकाल्दै बार्सिलोना बिजयी भएको हो ।

पहिलो हाफ गोलरहित बराबरी खेलेको बार्साले दोश्रो हाफको ५९ औँ मिनेटमा राफिन्हाले जोआओ फेलिक्सको पासमा निर्णायक गोल गर्दै टोलीलाई जित दिलाए ।

जितसँगै बार्सिलोनाले ३० खेलबाट ६७ अङ्क बटुलेको छ । शनिबारनै भएको ला- लिगाका अन्य खेलहरुमा सेभियाले गेटाफेलाई १–० गोलले हरायो भने ओसासुनाले अल्मेरियामाथि ३–० को जित हासिल गर्‍यो । भ्यालेन्सिया भने मायोर्कासँग गोलरहित बराबरी मा रोकियो ।