कर्णालीमा गले राजकुमार, विश्वासको मत नलिई मुख्यमन्त्रीबाट राजीनामा दिने

सुर्खेत । नेकपा माओवादी केन्द्र कर्णाली प्रदेशको नेतृत्व छाड्न तयार भएको छ । मुख्यमन्त्री राजकुमार शर्मा विश्वासको मत नलिएर राजनीनामा दिन तयार भएका हुन् ।

आजको प्रदेशसभा बैठकमा विश्वासको मत लिने कार्यसूची हटाएर सम्बोधन गर्दै राजीनामाको घोषणा गर्ने माओवादी कर्णालीका प्रमुख सचेतक रणसिंह परियारले नेपाल प्रेसलाई बताए ।

गठबन्धनको शीर्ष नेतृत्वमा कर्णाली एमालेलाई छाड्ने सहमति भएको थियो । तर, माओवादीले विमत्ति जनाइएरहेको थियो ।

यसअघि विश्वासको मत लिएरमात्रै राजीनामा दिने अडानमा रहेका मुख्यमन्त्री शर्मा अन्तत: गलेका हुन् । एमालेले भने विश्वासको मत नदिने बताएको थियो । राजीनामामा राजी हुनुअघि शर्माले एमाले संसदीय दलका नेता यामला कँडेलसँग भेट गरेका थिए । साथै माओवादी दलको छुट्टै बैठक बसेको थियो ।