लिओ झंकारको एकल चित्रकला प्रदर्शनी

काठमाडौं । चित्रकार लिओ झंकारको एकल कला प्रदर्शनी गरिएको छ । बबरमहलस्थित सिद्धार्थ आर्ट ग्यालरीमा मार्च १७ देखि जारी एक चित्रकला प्रदर्शनी अप्रिल ६ (भोलिसम्म) रहने छ । उनले आफ्नो कलामार्फत् ग्रामीण परिवेश, संस्कृति र परम्परागत वस्तुलाई देखाएका छन् ।

त्यस्तै पूर्वी पहाडका सांस्कृतिक पक्षलाई उनी उनले रेखाचित्रमा उदिनेका छन् । नाङ्लो, हाँडीजस्ता परम्परागत वस्तुको चित्रलाई झंकारले प्रदर्शनीमा राखेका छन् ।

त्यस्तै परम्परागत कृषि प्रणाली झल्काउन हलो, कुटो, कोदालो को चित्र प्रस्तुत गरिएको छ । बढ्दो शहरीकरण साथै आधुनिकताले परम्परागत वस्तु, भाषाशैली, संस्कृति ओझेलमा परेकाले त्यसको जगेर्नाका लागि आफूले सन्देश दिन खोजेको झंकारले बताए ।

‘म जन्मिएको, हुर्किएको र अहिलेसम्म देखे-भोगेको परिवेश, संस्कार र त्यहाँको प्रेमलाई प्रदर्शनीमार्फत् देखाएको हुँ’, उनले भने ।

हेरौं प्रदर्शनीका केही तस्बिर-