थेग्नै नसकिने आप्रवासन बढेपछि भिसामा न्यूजिल्याण्डले कडाइ गर्ने
नेपाल प्रेस
२०८० चैत २६ गते १२:२३
काठमाडौं । न्यूजिल्याण्डका अन्तर्राष्ट्रिय आप्रवासनको चाप थाम्नै नसकिने तहमा पुगेको भन्दै अब भिसामा कडाइ गरिने सरकारी अधिकारीहरूले बताएका छन् ।
बीबीसीका अनुसार अब अल्पदक्ष कामदारहरूले न्यूजिल्याण्डमा आउँदा अंग्रेजी भाषाको दक्षताका प्रावधानहरूका साथै तीन वर्ष मात्रै बस्न पाउनेछन् ।
यस अगाडि कामको भिसामा आउनेहरूले पाँच वर्ष बस्न पाउने प्रावधान रहेको थियो । गत वर्ष न्यूजिल्याण्डमा एक लाख ७३ हजार जना प्रवेश गरेका थिए ।
५३ लाख जनसंख्या भएको देशमा यो आँकडा अहिलेसम्मकै सबैभन्दा धेरै भएको बताइएको छ ।
बेल्डर तथा फिटर जस्ता विभिन्न ११ पेशालाई आवासीय भिसा दिने प्रावधान समेत हटाइएको छ ।
गत वर्ष न्यूजिल्याण्डका प्रधानमन्त्री क्रिस्टोफर लुक्सनले आप्रवासन थाम्नै नसकिने तहमा पुगेको सार्वजनिक प्रतिक्रिया दिएका थिए ।
नेपाल प्रेस
प्रकाशित: २०८० चैत २६ गते १२:२३
प्रतिक्रिया
सम्बन्धित खवर
