जनकपुरधाममा दिउँसै छुरा प्रहार गरी २० वर्षीय युवकको हत्या

जनकपुरधाम । जनकपुरधाम उप-महानगरपालिका ४ विश्वकर्मा टोलमा एक युवकमाथि छुरा प्रहार गरी हत्या गरिएको छ ।

महोत्तरीका भटौरिया भन्ने ठाउँका २० वर्षीय प्रीत कुमार महासेठको हत्या भएको हो । स्थानीयका अनुसार अपरिचित व्यक्तिले लखेटी लखेटी महासेठमाथि छुरा प्रहार गरिएको थियो ।

छुराले रक्ताम्मे अवस्थामा लडेका महासेठलाई उपचारका लागि प्रादेशिक अस्पताल लगेपछि उनको मृत्यु भएको बताइएको छ ।

धनुषाका प्रहरी प्रवक्ता डिएसपी रञ्जन‌‌‌ अवाले युवक महासेठको हत्या कसले र किन गरेको विषयमा अनुसन्धान गरिरहेको बताए ।