डिभोर्सपछि राजेशपायल र छोराको भिडियो क्लीप सेयर गर्दै साङबुङले लेखिन्- किङ

काठमाडौं । गायक राजेशपायल राईसँग कानूनी सम्वन्धबिच्छेद पश्चात् सामाजिक सञ्जालमा निकै एक्टिभ बनेकी छिन् उनकी पूर्वपत्नी साङबुङ राई । उनी कहिले आफ्ना सुन्दर टिकटक भिडियोहरू अपलोड गरेर प्रशंसा बटुल्छिन् त कहिले विभिन्न मिमहरू सेयर आफ्नो मनोदशा झल्काउने प्रयास गर्छिन् ।

राजेश पायल र साङबुङले डिभोर्स गरेको खबर गत बिहीबार सार्वजनिक भएको थियो । त्यसको केही दिन अगाडिदेखि साङबुङ फेसबुकमा सक्रिय देखिँदै आएकी थिइन् । यद्यपि, उनले आफ्नो व्यक्तिगत जीवनबारे भने केही पनि लेखेकी छैनन् ।

डिभोर्सको समाचार बाहिरिए पनि उनले एउटा स्टास लेख्दै मिडियाप्रति असन्तुष्टि जनाएकी थिइन् । उनले लखेकी थिइन्- अब म तिमीहरूको अप्रेशन गर्छु– १२ भाइ ।

साङबुङले हिजो सेयर गरेको एउटा पोस्टले भने धेरैलाई अचम्ममा पारेको छ । उनले आफ्नो पूर्वपति राजेशपायलले छोरासँग इन्जोई गरिरहेको एउटा भिडिओ सेयर गरेकी छन् ।

राजेशपायलले छोरासँग हार्मोनियममा खेलिरहेको भिडियो एक पत्रकारले फेसबुकमा अपलोड गरेका थिए । त्यही पोस्ट सेयर गर्दै साङबुङले लेखेकी छिन्– #योयो #किङ ।

यता राजेशपायलको कुरा गर्ने हो भने उनको पनि सामाजिक सञ्जालमा सक्रियता कम भएको छैन । उनी आफ्ना सांगीतिक गतिविधिहरूको जानकारी फेसबुकबाट दिइरहेका हुन्छन् । दुई दिन अगाडि उनले आफ्नो गुणगान गाएर बनाइएको एउटा युट्युब च्यानलको भिडियो सेयर गरेका थिए । त्यसमा उनले लेखेका छन्, ‘तपाईँहरूको साथ र आशीर्वादको अगाडि यो सम्पत्ति केही होइन । नकि पैसाले यो इज्जत किन्न सकिन्छ । तपाईँहरूको यसरी नै बल पाऊँ ।’

राजेश पायलले ५ करोड रुपैयाँको घर दिएर श्रीमतीसँग डिभोर्स गरेको खबर अहिले टक अफ द टाउन बनिरहेको छ ।