नवनिर्वाचित राष्ट्रियसभा उपाध्यक्ष घिमिरेद्वारा पदभार ग्रहण
नेपाल प्रेस
२०८० चैत २८ गते १८:३८
काठमाडौं । नवनिर्वाचित राष्ट्रियसभा उपाध्यक्ष विमला घिमिरेले पदभार ग्रहण गरेकी छन् ।
राष्ट्रपति भवन शीतलनिवासमा राष्ट्रपति रामचन्द्र पौडेल र उपराष्ट्रपति रामसहाय प्रसाद यादवकाे उपस्थितिमा राष्ट्रियसभा अध्यक्ष नारायण दाहालबाट पद तथा गोपनीयताको शपथ लिइसकेपछि उनले सिंहदबारस्थित राष्ट्रियसभाको कार्यकक्षमा पदभार ग्रहण गरेकी हुन् ।
राष्ट्रियसभाको बुधबार बसेको बैठकले उपाध्यक्ष निर्वाचित गरेको थियो । जसमा घिमिरेले नेपाली कांग्रेसकी उम्मेदवार विष्णुदेवी पुडासैनीलाई पराजित गरेकी थिइन् ।
घिमिरेले ३९ मत ल्याउँदा पुडासैनीले १६ मतमात्रै पाइन् । घिमिरेलाई नेकपा एमालेसँगै नेकपा माओवादी केन्द्र, नेकपा एकीकृत समाजवादी र जनता समाजवादी पार्टी (जसपा)को पनि साथ थियो ।
नेपाल प्रेस
प्रकाशित: २०८० चैत २८ गते १८:३८
प्रतिक्रिया
सम्बन्धित खवर
