दलितका लागि दलित अभियानका संयोजक सुनार साहसी युवा राष्ट्रिय सम्मानबाट सम्मानित

काठमाडौं । दलितका लागि दलित अभियान नेपालका संयोजक खगेन्द्र सुनार साहसी युवा राष्ट्रिय सम्मानबाट सम्मानित भएका छन् ।

लामो समयदेखि दलित समुदायको हितमा क्रियाशील सुनार ‘नेसनल डिजिटल मिडिया साहसी युवा अवार्ड २०८०’ बाट सम्मानित भएका हुन ।

अन्याय, अत्याचारमा परेको उपेक्षित, उत्पीडित दलित वर्गको हितमा आवाज उठाएको, जातीय विभेद र अत्याचार विरुद्ध जागरण पैदा गरेको, दलित समुदायप्रतिको प्रतिबद्धताको कदर गर्दै समाजसेवी, साहसी युवा अवार्डबाट सम्मानित गरिएको जनाइएको छ ।

काठमाडौमा आयोजित एक विशेष समारोहका बीच प्रतिनिधि सभाका उपसभामुख इन्दिरा राना मगरले उनी लगायत केही सामाजिक अगुवालाई सम्मान गरेकी हुन् ।