बाढीग्रस्त रूसी सहरमा नागरिकलाई सुरक्षितस्थलमा स्थानान्तरण गर्न निर्देशन

काठमाडाैं ।  रूसको ओरेनबर्ग शहरमा शुक्रबार आएको ‘घातक’ बाढीपछि युराल नदीमा पानीको बहाव बढ्दै जाँदा ’ठूलो सङ्ख्यामा मानिसहरूलाई अन्यत्र स्थानान्तरण’ गर्न बाध्य पारिएको रूसी मेयरले बताएका छन् ।

तीव्र गतिमा बढिरहेको तापक्रमले हिउँ र बरफ पग्लेको छ र भारी वर्षाका कारण रूस र कजाकिस्तान पार गर्ने थुप्रै प्रमुख नदीहरू उर्लेका छन् । “शहरमा साइरन बजिरहेको छ,” ओरेनबर्गका मेयर सर्गेई साल्मिनले टेलिग्राममा भने, “यो कुनै कसरत होइन ।”

उनले भने, “सामूहिक उद्धार कार्य जारी छ । अवस्था ज्यादै दयनीय छ, समय खेर नफाल्नुहोस् । शहरका धेरै जिल्लाका मानिसहरूलाई खाली गर्न आह्वान गर्दछु ।”

युराल नदीमा आस्र्कको अधिकांश भागमा बाढी आएको छ र क्षेत्रीय राजधानी ओरेनबर्गले नदीमा बढ्दो पानीको वहावको लागि तयारी गरिरहेको छ ।

यस सहरको जनसङ्ख्या लगभग पाँच लाख ५० हजार रहेको छ ।

“पछिल्लो १० घण्टामा युराल नदीमा पानीको सतह ४० सेन्टिमिटर (१५.७ इन्च) ले बढेको छ,” साल्मिनले भने ।

अधिकारीहरूले ओरेनबर्गका करिब दुई हजार ५०० घरहरू पानी र लगभग पाँच हजार प्रभावित व्यक्तिहरूलाई बताएका छन्।

रुसको सरकारी सञ्चारमाध्यममा सार्वजनिक भएका तस्बिरमा युरोप र एसियाको सिमानामा रहेको एक स्मारकतर्फ जाने गल्लीमा बाढी पसेको र बत्तीका खम्बाहरू आंशिक रूपमा डुबेको देखिएको छ । उनीहरूले धेरै घरहरूमा डुबान भएको पनि देखाएका छन् ।

पश्चिमी साइबेरियामा इशिम नदी पनि खतरनाक स्तरमा पुगेको टियुमेन क्षेत्रका अधिकारीहरूले बताएका छन् । अधिकारीहरूले इशिम र तोबोल नदी अप्रिल २३–२५ को आसपासमा मात्र चरम बिन्दुमा पुग्ने अनुमान गरेका छन् ।

एक क्षेत्रीय अधिकारी सर्गेई बालिकिनले आरआईए नोभोस्ती राज्य समाचार संस्थालाई बताए अनुसार ओरेनबर्गमा शिखर शुक्रबार वा शनिबार मात्र आउनेछ ।

रूसले ओरेनबर्ग क्षेत्रका करिब १० हजार मानिसलाई पानीको बहावबाट सुरक्षित स्थानमा सारेको छ ।

कुर्गान र टोम्स्क क्षेत्रमा पर्ने कैयौँ गाउँलाई पनि खाली गराइएको छ ।

अधिकारीहरूले भने बाँध भत्किएपछि नराम्ररी प्रभावित भएको ओस्र्कको स्थितिमा सुधार आएको बताएका छन् । उनीहरूले पानीको सतह फेरि घट्दै गएको बताएका छन् ।

कजाकिस्तानले ९६ हजार भन्दा बढी मानिसहरूलाई सुरक्षित स्थानमा स्थानान्तरण गरेको छ भने पेट्रोपाभलोभ्स्क शहर पनि बाढीको सबैभन्दा खराब अवस्थाको सामना गरिरहेको छ ।

विज्ञहरूका अनुसार विश्वमा उच्च तापक्रमका कारण भारी वर्षा, बाढी र डुबानका घटना देखिए पनि विश्वव्यापी तापक्रमबीच कुनै प्रत्यक्ष सम्बन्ध छैन ।