दिलीप रायमाझीकी छोरी दिव्याको पहिलो फिल्म ‘एक्टर’ को शुभ मुहूर्त

काठमाडौं । चर्चित अभिनेता दिलीप रायमाझीकी छोरी दिव्या रायमाझीको पहिलो चलचित्र ‘एक्टर’को शुभ मुहूर्त गरिएको छ ।

सञ्चारकर्मी प्रकाश सुवेदीको नेतृत्वमा मङ्गलवार बिहान भैसेपाटीमा अवस्थित कार्य विनायक मन्दिरमा वैदिक विधिद्वारा हवन यज्ञ सहित फिल्मको शुभ साइत गरिएको हो ।

चलचित्रमा दिव्यालाई अभिनेता प्रदीप खड्का, अभिनेत्री आना शर्मा, दिव्यदेव, सुशील सिटौला लगायतले साथ दिँदैछन। चलचित्रलाई निर्माता थमन कुमार भण्डारीले निर्माण गर्ने भएका छन्।

उनी मकै घर रेस्टुरेन्टका सञ्चालक समेत हुन। दुई हप्तापछि छायांकन सुरु गरिने चलचित्रको निर्देशनको जिम्मा भने राजन भुसालले लिएका छन्।