एकै ओभरमा दुई कुशल आउट, नेपाल संकटमा
नेपाल प्रेस
२०८१ वैशाख २० गते १४:३१
काठमाडौं। वेस्ट इन्डिज एविरुद्ध २ सय १० रनको लक्ष्य पछ्याइएको नेपाल एकै ओभरमा दुई विकेट गुमाएपछि थप दबाबमा परेको छ।
पाँचौँ ओभरमा नेपालले कुशल भुर्तेल र कुशल मल्ललाई गुमाएको छ।
पाँचौँ ओभरको पहिलो बलमा कुशल भुर्तेल र पाँचौँ बलमा कुशल मल्ल आउट भए।
भुर्तेलले चार बलमा एक रन जोडे भने मल्लले ४ बलमा ४ रन बनाए। नेपालले ५ ओभरमा ३ विकेट गुमाएर ३१ रन जोडेको छ।
नेपालले रन नजोड्दै अर्का ओपनर आसिफ शेखलाई गुमाएको थियो।
कुशल भुर्तेल पछिल्ला ६ खेलमा सर्वाधिक ठूलो इनिङका रुपमा १६ रन बनाएका छन् । लगातार तीनपटक शून्यमा आउट भएपछि उनले अघिल्ला दुई खेलमा क्रमश: १६ रन र २ रनको इनिङ खेलेका थिए।
यस्तै कुशल मल्लले पछिल्ला ६ खेलमा सर्वाधिक ठूलो इनिङका रुपमा २० रन जोडेका छन्। उनी यसबीचमा एकपटक शून्यमा आउट भएका छन् भने एकपटक ३ रन जोडेर आउट भएका थिए।
नेपाल प्रेस
प्रकाशित: २०८१ वैशाख २० गते १४:३१
प्रतिक्रिया
सम्बन्धित खवर
