गायिका अन्जु श्रेष्ठको नयाँ गीत ‘खोला जस्तो जिन्दगी’ सार्वजनिक

काठमाडौं । गायिका अन्जु श्रेष्ठको आवाजमा रहेको नयाँ गीत ‘खोला जस्तो जिन्दगी’ सार्वजनिक भएको छ ।

शिव पलासको शब्द र टिका दाहालको संगीत रहेको गीत बिहीबार ‘अन्जु श्रेष्ठ अफिसियल’ युट्युब च्यानलमार्फत सार्वजनिक गरिएको हो।

आफ्नो बुवाको सम्झनामा गायिका अन्जुले गीत निकालेकी हुन् ।

अन्जुका बुवालाई अन्जु गायिका बनेको हेर्ने ठूलो सपना थियो । तर सपना पुरा नहुँदै बुवाको निधन भएपछि, बुवाको अधुरो सपना पुरा गर्न अन्जु गायनमा सक्रिय भएर लागिरहेकी छिन् । भिडियोमा उनले आफ्ना बुवाको अधुरो सपना पुरा गरेकी छिन् ।

राजेश पुमा राईको निर्देशनमा तयार भएको भिडियोमा अन्जुको साथमा जीवन भट्टराई र स्नेहा भट्टराईको अभिनय रहेको छ । उत्सव दाहालले खिचेको भिडियोलाई विकास दाहालले सम्पादन गरेका छन् ।