विश्वकपमा सहभागी हुने क्लबमा आबद्ध ६ खेलाडीलाई प्रहरीले दियो शुभकामना
नेपाल प्रेस
२०८१ वैशाख २१ गते १६:३३
काठमाडौं । अमेरिका र वेष्ट इन्डिजमा हुने आईसीसी टी-२० विश्वकप क्रिकेट प्रतियोगितामा सहभागी हुने खेलाडी नेपाल पुलिसले शुभकामना तथा बिदाइ गरेको छ ।
विश्वकप खेल्ने पुलिसमा आबद्ध ६ खेलाडीलाई शुक्रवार शुभकामना तथा बिदाइ गरिएको हो ।
पुलिसका कुशल भुर्तेल, दीपेन्द्रसिंह ऐरी, करण केसी, गुल्सन झा, सागर ढकाल र ललित राजवंशीले विश्वकप खेल्ने टोलीमा स्थान बनाएका छन् ।
उनीहरूलाई नेपाल प्रहरीका प्रहरी महानिरीक्षक वसन्तबहादुर कुँवरको उपस्थितिमा शुभकामना दिइएको हो ।
विश्वकपमा सहभागी हुन नेपाली टोली शुक्रवार बेलुका त्यसतर्फ प्रस्थान गर्दै छ ।
शुभकामना तथा विदाइ कार्यक्रममा करण केसी र सागर ढकाल उपस्थित थिएनन् ।
नेपाल प्रेस
प्रकाशित: २०८१ वैशाख २१ गते १६:३३
प्रतिक्रिया
सम्बन्धित खवर
