नेकपा एकीकृत समाजवादीको स्थायी कमिटी बैठक सुरु (तस्बिर)

काठमाडौं । नेकपा एकीकृत समाजवादीको स्थायी कमिटीको बैठक अहिले बसिरहेको छ। तोकिएको समयभन्दा केही ढिलोगरी पार्टी केन्द्रीय कार्यालय आलोकनगरमा बैठक सुरु भएको प्रवक्ता जगन्नाथ खतिवडाले बताए ।

बैठकमा पार्टीको दशौं महाधिवेशन र समसामयिक राजनीतिबारे छलफल भइरहेको छ । स्थायी कमिटी बैठकमा आसन्न महाधिवेशनमा प्रस्तुत गरिने राजनीतिक दस्तावेज, विधान र सांगठनिक दस्तावेजमाथि पनि छलफल हुने जनाइएको छ ।

बैठकमा पछिल्लो समय सत्ता समीकरणमा देखिएको समस्या, पार्टीभित्र भएका असन्तुष्टि लगायतका विषयमा छलफल हुने प्रवक्ता खतिवडाले बताए ।

एकीकृत समाजवादीले असार १० देखि १६ गतेसम्म काठमाडौंमा महाधिवेशनको तयारी गरेको छ। त्यसका लागि थप छलफल गर्न भोलि पोलिटब्युरो बैठक बोलाइएको छ ।