मधेश सरकारबाट एमाले पनि बाहिरिँदै
नेपाल प्रेस
२०८१ वैशाख ३० गते १५:१४
मुख्यमन्त्री सरोज यादव ।
जनकपुरधाम । नेकपा एमालेले पनि मधेश सरकार छाड्ने भएको छ । आजै नेकपा एमाले र नेकपा माओवादी केन्द्रले मुख्यमन्त्री सरोजकुमार यादवलाई दिएको समर्थन एकसाथ फिर्ता लिने तयारी गरेका छन् ।
एमाले केन्द्रीय नेतृत्वले पनि मधेश सरकार छाड्न प्रदेशस्तरीय दलका नेतालाई निर्देशन दिएको छ ।
एमाले केन्द्रीय सदस्य सञ्जीव झा ‘सुरज’ ले भने, ‘अहिले भर्खर निर्देशन आएको छ । हाम्रो पार्टी पनि सरकार छाड्दैछ ।’
केहीबेरमा मन्त्रीहरूले राजीनामा बुझाएर समर्थन फिर्ता लिने उनले बताए । माओवादीका मन्त्रीले पनि आजै राजीनामा दिएर समर्थन फिर्ताको तयारी गरेको छ ।
नेपाल प्रेस
प्रकाशित: २०८१ वैशाख ३० गते १५:१४
प्रतिक्रिया
सम्बन्धित खवर
