एमाले संसदीय दलको बैठक बस्दै

काठमाडौं । नेकपा एमालेको संसदीय दलको बैठक बस्दैछ । संघीय संसद् भवन नयाँ बानेश्वरको ल्होत्से हलमा बैठक बस्ने प्रमुख सचेतक महेश बर्तौँलाले बताए ।

उनका अनुसार बैठक साढे १२ बजेबाट सुरू हुनेछ।बैठकमा पछिल्ला समसामयिक राजनीतिक घटनाक्रमबारे छलफल हुने जनाइएको छ ।

प्रमुख प्रतिपक्ष दल नेपाली कांग्रेसले उपप्रधान तथा गृहमन्त्री रवि लामिछाने जोडिएको सहकारी ठगी प्रकरणको छानबिन गर्न संसदीय समितिको माग गर्दै निरन्तर सदन अवरोध गर्दै आइरहेको छ ।

आजको बैठकमा यो सहित सरकारले पेस गरेको नीति तथा कार्यक्रममा प्रभावकारी भूमिका खेल्नेबारे छलफल हुने जनाइएको छ ।