गणेश उप्रेतीको ‘सँगै जिउने मर्ने कसम’ लिरिकल भिडिओ सार्वजनिक

काठमाडौं । गायिका मुना ठटालको आवाजमा सजिएको गीत ‘सँगै जिउने मर्ने कसम’ गीतको लिरिकल भिडिओ सार्वजनिक भएको छ ।

करुणा कँडेलको निर्माण रहेको उक्त लिरिकल भिडिओ एरीना इन्टरटेन्टमेन्ट यूटुब च्यानलमार्फत शुक्रबार सार्वजनिक गरिएको हो । गीतमा शब्द गणेश उप्रेतीको रहेको छ भने संगीत संयोजन न्हुछे महर्जनले गरेका छन् ।

रेडियो नेपालको आधुनिक गीत प्रतियोगीतामा गायनतर्फ तेस्रो स्थान हासिल गर्न सफल यो गीतले दर्शकको मन अत्याधिक जित्ने विश्वास उनीहरुको छ ।

एक दशकदेखि गीत संगीतमा क्रियाशील रहेका गणेश उप्रेतीको ‘तिम्रो दिलको’, ‘लगन जुरेर’, ‘लाइदेउ माया’, ‘नजरको गुलेली’ जस्ता चर्चित गीतहरु यस अघि नै सार्वजनिक भइसकेका छन् ।